O hiɓ ole Alf@net kaa yoon na yiif ake no calir ke ne'eena Open Source. Kaa i mboog ee calir keene kaa oxuu refna a warin o jeg, Ndaa it koy a ƥaatax calir keene kaa warel o reef took mbokatoor naa naa njoktooraa a paax, too da yoon teen fu waa mbakirlooxna too cungeer teen o ndafdel, Too da ndef waa andoona ee a ƥaatax xa and axe mbaamna no yegnit fu njoktoor taxu den o inu. Took calel no ndamir soom i mbaagkaa o njeg ndam o feet, refna mbexey bo fop, jegu fu jegeer, a mbaag o ndaaw no ƭaxir cegu solo keene ateena no xa caaxlandaan axe mbit da ndaaw no yegnit ke adna fee fop a mbogna.

O kiin oxuu yoonna no a yiif in akeene kaa o war o joktoor fa in ngir i mbaag o yoon mbaam a paam.

alfanet@anafa.org